Veprimtarite, veprimet dhe tipet e të mirave publike, ushtrimi, kryerja dhe përdorimi i të cilave u nënshtrohet licencimit, autorizimit apo lejimit, percaktohen ne Ligjin Nr. 10081 date 23/02/2009 “Per lejet dhe licensat ne Republiken e Shqiperise“.
Licencat dhe lejet, sipas fushave dhe kategorive, në kompetencë të institucioneve qendrore, parashikohen në Listen bashkëngjitur. |
Procedurat per pajisje me licencat e lejet e parashikuara në liste apo nënkategoritë e tyre trajtohen:
a) si rregull, nga apo nëpërmjet Qendres Kombetare te Licensimit; b) në raste të veçanta, nga organet e përcaktuara sipas legjislacionit përkatës në fuqi, pa përfshirjen e Qendres Kombetare te Licensimit.
Grupi i parë i listes përfshin ato kategori ose nënkategori, për të cilat vlerësimi i përmbushjes së kritereve bazohet vetëm në vetëdeklarimet e kërkuesit.
Grupi i dytë i listes përfshin ato kategori ose nënkategori, për të cilat vlerësimi i përmbushjes së kritereve, përveçse në vetëdeklarimet e kërkuesit, bazohet, për të paktën njërin nga kushtet, edhe në dokumentet provuese, të paraqitura nga kërkuesi.
Grupi i tretë i listes përfshin ato kategori ose nënkategori, për të cilat, përveç sa parashikohet per grupin e pare dhe te dyte, vlerësimi i përmbushjes së kritereve, për të paktën njërin prej tyre, bazohet edhe në kryerjen e një procesi inspektimi, testimi, gare, interviste, dëgjimi apo metode tjetër vlerësimi.
Kërkesa për licencë/autorizim/leje apo nënkategori të tyre paraqitet në Qendres Kombetare te Licensimit.
Qendra Kombetare e Licensimit merr në shqyrtim kërkesat, sipas radhës së paraqitjes së tyre dhe merr vendim në një afat prej 2 ditësh pune nga data e paraqitjes së kërkesës për grupin e pare, dhe në një afat prej 4 ditësh pune nga data e paraqitjes së kërkesës për grupin e dyte.
Licenca/autorizimi/leja revokohet kur titullari nuk përmbush më kriteret e dhënies së këtij titulli apo shkel detyrimet e përcaktuara në të. |
Kërkesa përbëhet nga formulari tip i plotësuar ne prezence te inspektorit dhe dokumentet shoqëruese përkatëse.Kërkesa paraqitet në sportelin e Qendres Kombetare te Licensimit nga vetë kërkuesi apo çdo person i autorizuar prej tij. Kërkesat dhe paraqitja e dokumentit të pagesës së tarifës/taksës prane Qendres Kombetare te Licensimit mund të kryhen nëpërmjet:
a) paraqitjes drejtpërdrejt në çdo sportel shërbimi të Qendres Kombetare te Licensimit, në të gjithë territorin e Republikës së Shqipërisë; b) dërgimit me postë me lajmërim-marrje; c) dërgimit me mjete elektronike.
Qendra Kombetare e Licensimit refuzon kërkesën vetem nëse:
a) personi, që ka paraqitur kërkesën, nuk është personi që mund të paraqesë kërkesën, sipas ligjit; b) formulari i plotësuar nuk është i plotë apo përmban korrigjime dhe përmbajtja e tij nuk duket qartë apo është e palexueshme; c) nuk janë paraqitur të gjitha dokumentet e tjera shoqëruese, ato nuk janë paraqitur në formën e kërkuar apo përmbajnë korrigjime ose fshirje të pavërtetuara, si dhe kur përmbajtja e tyre nuk duket qartë apo është e palexueshme; ç) kërkuesi nuk përmbush kriteret përkatëse të licencimit/autorizimit/lejimit; d) nuk është kryer pagesa e tarifës së shërbimit. |