Tipet e lejes se punes mund te jene:
• Leja e punës, të tipit A/NK, per punesim nderkufitar; • Leja e punës, të tipit A/PS, si punëtor stinor; • Leja e punës të tipit A/SHV, si person që kryen shërbime vullnetare ose si person i punësuar, në kuadër të shkëmbimeve rinore; • Leja e punës të tipit B/VP, i vetëpunësuar; • Leja e punës të tipit A/AF, anëtar familjeje; • Leja e punës për studentët, e tipit A/S ; • Leja e punës të tipit C, për raste të veçanta; • Leja e punës të tipit B/I, si investitor. |
Per te gjitha llojet e lejeve te punes, personat e interesuar paraqesin kërkesën dhe dokumentacionin e përcaktuar në:
a)zyrën përkatëse të punësimit, në territorin e së cilës investitori do të ushtrojë veprimtarinë ekonomike, nëse është me qëndrim të ligjshëm në territorin e Republikës së Shqipërisë; b)Drejtorinë e Përgjithshme të Shërbimit Kombëtar të Punësimit, kur investitori do të ushtrojë veprimtari ekonomike në më shumë se një rajon gjeografik, nëse është me qëndrim të ligjshëm në territorin e Republikës së Shqipërisë; c)përfaqësinë diplomatike të Republikës së Shqipërisë, në vendin e tij të origjinës.
Per te gjitha llojet e lejeve te punes, kërkesa për t’u pajisur me leje pune, bëhet nga:
a) i huaji, b) personi i autorizuar prej tij.
Kërkesa dhe dokumentacioni per perjashtimin nga detyrimi per pajisje me leje pune paraqitet:
1.pranë drejtorisë, që ka në përgjegjësi çështjet e migracionit, në Ministrinë e Punës, Çështjeve Sociale dhe Shanseve të Barabarta, kur i huaji është me qëndrim të ligjshëm në territorin e Republikës së Shqipërisë; 2.pranë përfaqësisë diplomatike të Republikës së Shqipërisë, në vendim e tij të origjinës. |
Përjashtohen nga detyrimi për t'u pajisur me leje pune subjektet e mëposhtme:
1. konsulentë apo këshilltarë pranë institucioneve qendrore shtetërore; 2. Misione asistence teknike, pranë institucioneve qendrore, nga organizata ndërkombëtare; 3. përfaqësuesit e organizatave ndërkombëtare me status diplomatic apo i huaji, që gëzon privilegje dhe imunitete, diplomatike dhe konsullore, sipas së drejtës ndërkombëtare; 4. personeli i transportit ndërkufitar të mallrave dhe njerëzve, kur ato nuk qëndrojnë në territorin shqiptar më shumë se tre muaj dhe selitë e të cilave janë regjistruar jashtë vendit; 5. i huaji, pjesëtar i forcave ushtarake apo i një njësie civile të një anëtari të NATO-s; 6. personi, që mban më shumë se një shtetësi, njëra prej të cilave është ajo shqiptare; 7. përfaqësues të mas medias, reporterë apo korrespondentë të huaj, të akredituar në Republikën e Shqipërisë, që punojnë për një punëdhënës të huaj; 8. persona, që negociojnë për një marrëveshje apo përkujdesen për një pavijon në një panair, me kohëzgjatje deri në një muaj; 9. persona, që instalojnë makineritë apo konstruksionet, që dorëzohen nga një shoqëri e huaj dhe bëjnë shërbimin e riparimin e makinerive, si dhe trajnimin e punonjësve, shqiptarë ose të huaj, për shfrytëzimin e tyre, deri në një muaj; 10. drejtuesit kryesorë të organizatave jofitimprurëse, të cilët nuk shpërblehen për punën e tyre; 11. përfaqësues të institucioneve apo fondacioneve fetare dhe humanitare, të njohura dhe të regjistruara në organet përgjegjëse të shtetit shqiptar, të cilët nuk shpërblehen për punën e tyre; 12. pjesëtarë të ekuipazheve të anijeve apo të avionëve, me qëndrim të përkohshëm deri në tre muaj në Republikën e Shqipërisë; 13. vizitorë biznesi, që qëndrojnë më pak se një muaj në Republikën e Shqipërisë; 14. lektorë, studiues apo specialistë të huaj, që vijnë në territorin e Republikës së Shqipërisë, në kuadër të marrëveshjeve dypalëshe qeveritare apo të vetë institucioneve arsimore. |